John Elia Poetry

    Apni Shayari Ka Jitna Munkir Main Hoon...
    Classic Wording By John Elie

    "Apni Shayari Ka Jitna Munkir Main Hoon
    Utna Munkir Mera Koi Bad Tareen Dushman Bhi Na Hoga

    Kabhi Kabhi To Mujhey Apni Shayeri Ishte'aal Angiez Had Tak Buri, Bey Tuki Aur Baad-Az-Waqt Lagti Hai...
    Is Liye Ab Tak Mera Koi Majmooa Shaye Nahi Howa Aur Jab Tak Khuda Hi Shaya Nahi Karaye Ga Uss Waqt Tak Shaya Hoga Bhi Nahi"

    =====================

    Iss Qaddar Zorr Say....

    Iss Qaddar Zorr Say Tamachay Parray Hain...

    Daikh Tau Surkhi Meray Rukhsaar Ki

    =====================


    Beqarari Si Beqarari Hai...

    Beqarai Si Beqarari Hai
    Wasl Hai Aur Firaaq Taari Hai

    Jo Guzaari Na Ja Saki Hum Se
    Hum Ne Woh Zindagi Guzari Hai

    Us Se Kahiyo Kay Dil Ki Galion Mein
    Raat Din Teri Intezari Hai

    Ik Mehak Samt-E-Jaan Se Aai Thi
    Main Yeh Samjha Teri Sawari Hai

    Haadison Ka Hisab Hai Apna
    Warna Har Aan Sab Ki Baari Hai

    Bin Tumhare Kabhi Nahin Aai
    Kya Meri Neend Bhi Tumhari Hai

    Nigharay Kya Hue Keh Logon Par
    Apna Saaya Bhi Ab To Bhari Hai

    Khush Rahe Tu Ke Zindagi Apni
    Umr Bhar Ki Ummeed Wari Hai

    Aap Mein Kaisay Aaun Mein Tujh Bin
    Saans Jo Chal Rahi Hai Aari Hai

    Hijr Ho Ya Wisal Ho Kuchh Ho
    Hum Hain Aur Us Ki Yaadgari Hai

    =====================


    Dil Ne Wafa Ke Naam Par Kaar-E-Wafa Nahi Kiyaa...

    Dil Ne Wafa Ke Naam Par Kaar-E-Wafa Nahi Kiyaa
    Khud Ko Halaak Kar Liyaa Khud Ko Fidaa Nahiin Kiyaa

    Kaise Kahen Ke Tujh Ko Bhii Hamase Hai Vaastaa Koi
    Tuune To Hamase Aaj Tak Koi Gilaa Nahiin Kiyaa

    Tuu Bhii Kisii Ke Baab Men Ahad-Shikan Ho Gaaliban
    Main Ne Bhii Ek Shakhs Kaa Qarz Adaa Nahiin Kiyaa

    Jo Bhii Ho Tum Pe Mautariz Us Ko Yahii Javaab Do
    Aap Bahot Shariif Hain Aap Ne Kyaa Nahiin Kiyaa

    Jis Ko Bhii Shekh-O-Shaah Ne Hukm-E-Khudaa Diyaa Qaraar
    Hamane Nahiin Kiyaa Vo Kaam Haan Baa-Khudaa Nahiin Kiyaa

    Nisbat-E-Ilm Hai Bahot Haakim-E-Vaqt Ko Aziiz
    Us Ne To Kaar-E-Jehl Bhii Be-Ulaamaa Nahiin Kiyaa

    =====================


    Akhlaaq Na Bartenge Mudaaraa Na Karenge...

    Akhlaaq Na Bartenge Mudaaraa Na Karenge
    Ab Hm Kisii Shakhs Kii Paravaah Na Karenge

    Kuchh Log Ka_Ii Lafz Galat Bol Rahe Hain
    Isalaah Magar Ham Bhii Ab Isalaah Na Karenge

    Kam_Go_Ii Ke Ek Vasf-E-Himaaqat Hai Bahar To
    Kam_Go_Ii Ko Apanaayenge Chahakaa Na Karenge

    Ab Sahal Pasandii Ko Banaayenge Vatiiraa
    Taa Der Kisii Baab Men Sochaa Na Karenge

    Gussaa Bhii Hai Tahaziib-E-Ta'lluq Kaa Talabagaar
    Ham Chhup Hain Bahare Baithe Hain Gussaa Na Karenge

    Kal Raat Bahut Guur Kiyaa Hai So Ham Ai "John"
    Tay Kar Ke Uthe Hain Ke Tamannaa Na Karenge

    =====================


    Ajb Ik Shor Sa Bapa Hai Kahin...

    Ajb Ik Shor Sa Bapa Hai Kahin,
    Koi Khamosh Ho Gaya Hai Kahin,

    Hai Kuch Aisa K Jaise Ye Sab Kuch,
    Ab Se Pehle Bhi Ho Chuka Hai Kahin,

    Jo Yahan Se Kahin Na Jata Tha,
    Wo Yahan Se Chala Gaya Hai Kahin,

    Tujh Ko Kiya Ho Gaya K Chezon Ko ,
    Kahin Rakhta Hai Dhondhta Hai Kahin,

    Tu Mujhe Dhondh Main Tujhe Dhondhon,
    Koi Hum Main Se Reh Gaya Hai Kahin,

    Ise Kamre Se Ho K Koi Wida,
    Ise Kamre Main Chup Gaya Hai Kahin

    =====================


    Khud Se Ham Ik Nafas Hile Bhii Kahaa...

    Khud Se Ham Ik Nafas Hile Bhii Kahaa
    Us Ko Dhundhen To Vo Mile Bhii Kahaa

    Khemaa-Khemaa Guzaar Le Ye
    Shab Subah-Dam Ye Qaafle Bhii Kahaa

    Ab Ta'mul Na Kar Dil-E-Khud_Kaam
    Ruuth Le Phir Ye Sil_Sile Bhii Kahaa

    Aao Aapas Main Kuchh Gile Kar Le
    Varnaa Yuu.N Hai Ke Phir Gile Bhii Kahaa

    Khush Ho Siine Kii In Kharaashon Par
    Phir Tanaffus Ke Ye Sile Bhii Kahaa

    =====================


    Hum To Jaisey Wahaan Key They Hi Nahin...

    Hum To Jaisey Wahaan Key They Hi Nahin
    Dhoop They Sayaban Key They Hi Nahin

    Raastey Karavan Key Sath Rahey
    Marhaley Karavan Key They Hi Nahin

    Ab Hamara Makaan Kis Kaa Hai
    Hum To Apaney Makaan Key They Hi Nahin

    In Ko Aandhi Main Hi Bikharna Tha
    Baal-O-Par Yahan Key They Hi Nahin

    Us Gali Ney Yeh Sun Ke Saber Kiya
    Janey Waley Yahan Key They Hi Nahin

    Ho Teri Khak-E-Astan Pey Salaam
    Ham Terey Astan Key They Hi Nahin

    =====================


    Mein Shayad Tum Ko Yuksar Bhoolnay Wala Ho...

    Mein shayad tum ko yuksar bhoolnay wala ho
    Shaid, Jaan E Jaan Shaid
    Keh Aab Tum Mujh Ko Pehlay Say Ziada Yaad Aati Hoo

    Hai Dil Ghamgeen, Bohat Ghamgeen
    Keh Aab Tum Yaad Dil Daraana Aati Hoo

    Shameem Door Mandah Hoo
    Bohat Runjeeda Hoo Mujh Say
    Magar Phir Bhi

    Mashaam E Jaan Mein Mairay Aashtee Mandana Aati Hoo
    Judai Mein Bala Ka Iltafaat E Meharmana Hai
    Qayamat Ke Khabar Geeri Hai
    Bay'had Naaz Bardaari Ka Aalam Hai

    Tumharay Rung Mujh Mein Aur Gehray Hotay Jaatay Hain
    Mein Darta Hoon
    Mairay ehsaas kay iss khawb ka anjaam kaya hoo ga!
    Yeah mairay androon e zaat kay taraaj gar,
    Jazboon Kay Bairee Waqat Ke Sazish Na Hoo Koye

    Tumahray Iss Tarhaan Har Lamha Yaad Aanay Say
    Dil Sehma Howa Sa Hai
    Tu Phir Tum Kam Hee Yaad Aoo

    Mata E Dil, Mata E Jaan Tu Phir Tum Kam Hee Yaad Aoo
    Bohat Kuch Beh Gaya Hai Sail E Mah O Saal Mein Aab Tuk
    Sabhi Kuch Tu Na Beh Jaye
    Keh Mairay Paas Reh Bhi Kaya Gay Ahai
    Kuch Tu Reh Jaye

    =====================


    Baras Guzaray Tumhain Soye Howay...

    Baras Guzaray Tumhain Soye Howay
    Uth Jao, Sunti Ho, Aab Uth Jaoo
    Mein Aya Hoon
    Mein Andazay Say Samjha Hoon
    Yahaan Soye Hoi Hoo Tum
    Yahaan, Roo' E Zameen Kay Iss Muqaam E Asmaani Tar Ke Hud Mein
    Baad Haa 'E Tund Nay
    Mairay Liyeah Bus Ik Andaza He Chora Hai
    =====================

John Elia Poetry In Detail

    Tomasha offers a wide range of fine quality john elia poetry for your mobile phone. Don't worry; our content is compatible with all popular phone models including Samsung Sony Ericsson, Motorola, and Nokia. Our wide range of john elia poetry selection is constantly being updated with exciting brand new releases. Now you can personalize your mobile phone with hundreds of currently available john elia poetry for free! Moreover, you can also make new friends, send them sms and e-cards and much more! Just brows through our extensive inventory and download your favorite john elia poetry.